УЗБЕКИСТОН МИНГ БИР ХУНАР МАРКАЗИ. САМАРКАНДДА ШАРК ХУНАРМАНДЧИЛИК БУЮМЛАРИ БОЗОРИНИ КАЙТА ТИКЛАШ МУМКИНМИ?

Собик Шуролар давридаги таърих дарсликларида юртимизда руслар келгунча хатто михни хам четдан олиб келтирилганлиги, Россия тасарруфида утгандан кейин ,хусусан октябрь инкилобидан кейин бу ерда саноат ривожланиб кандай ютукларга эришилгани хакида ёзилган.

 Шуролар даврида эришилган айрим ютукларни инкор этмаган холда бу  гап канчалик  хакикатга мос эканлиги хакида фикр юритамиз.

  Урта Осиё  Буюк Ипак Йули ёкасида жойлашгани боис  жуда кадимдан хунармандчилик ривожланган худудлардан хисобланган. Шу жумладан юртимиз Узбекистоннинг  Самарканд, Бухоро, кухна Чош(Тошкент) ва водий шахарлари , Хоразм  ва Каракалпогистон шахарларида турли касб хунарлар ривожланган.

   Бунга Самарканддаги кадимий Афросиёб харобаларидан, Тошкент атрофидаги шахар харобаларидан , Хоразм ва Каракалпогистондаги калъа колдикларидан ва хамда кейинги вактларда топилган Сурхондарьё  вилоятидаги шахар ва калъа харобаларидан, топилган сопол идишлар, турли хил сопол ва бронза хайкалчалар, пичок, ханжар, дубулга, совут каби уруш анжомлари, шиша синиклари, хамда турли мато парчалари топилгани мисол булиши мумкин.

   Темирчи аждодларимиз  Европалик хамкасбларидан анча олдин пулат эритиш ва ундан турли пичок, арра, болта хамда курол аслаха ясашни билишган. Машхур Дамашк киличларини ясаган усталар асли Фаргоналик булишгани хакида тахминлар бор. Кадимий Сугдда тайёрланган шиша идишлар Хитойгача етиб борган.

   

 Хуш юртимизда рус армияси томонидан босиб олинган вактда кандай хунармандчилик буюмлари ясалган. Юртимиз бозорларини айланган рус аскар ва зобитлари у ерда алохида-алохида расталарда сотиладиган  темирчилик буюмлари, мисгарлик буюмлари, ,кулолчилик буюмлари, турли матолар билан савдо киладиган расталар ва айникса заргарлик расталарини куриб хайратга колишган.  Бозорларимизда алохида китоб расталарини булиши эса уларни бутунлай лол колдирган. Мусика асбоблари билан савдо киладиган расталар хам булган.

   Темирчиларимиз пичок, болта, арра, темирдан ясалган дехкончилик буюмлари, курол аслихалар ва бошка темир буюмлар ясашни билишган. Рангли металлар билан эса иккита алохида хунар эгалари яъни мисгарлар ва заргарлар шугулланишган. Мисгарлар томонидан мисдан ясалган лаган, офтоба, мискозон ва бошка ошхона буюмлари ясалган.

  

 Заргарларимиз томонидан олтин, кумуш, ,садаф,  ёкут, зумрат, лаъл, олмос каби кимматбахо  металл ва тошлардан ясалган заргарлик буюмлари хар кандай кишини лол колдирган.

  Дурадгор усталаримиз томонидан эса эшик, дераза ,ип йигириш чархи, тукув дастгохлари, бешик, ёгоч лаганлар ясалган. Хозиргача бетакрор таърихий обидаларимизни узок аждодларимиз ясаган ёгоч дарвоза ва ёгоч устунлар безаб турипти.

 Сандиксозлик дурадгорликдан алохида касб сифатида ажралиб чиккан. Хозиргача туйларимизда келин сепини сандикда жунатишади. Турли усимликлардан олинган моддаларни ишлатиб терига ишлов беришган ва хамда улардан оёк кийимлари, камарлар, от анжомлари ва бошка буюмлар ясашган.

   Тукимачилик буюмларидан пахта , ипак ва жун хомашьёсини ишлатиб тайёрланган иплардан шойи, атлас, адрас, бекасам, банорас каби киммат ва буз, дока каби арзон матолар тикишган. Ушбу мато ва иплардан тикувчиларимиз томонидан чопон, куйлак, нимча, дуппи, белбог каби кийим кечаклар тикилган.  Хусусан Бухоро зардузлари томонидан тикилган зарчопон, нимча, зардуппилар хозиргача бутун дуньёда машхур. Шу кунгача келин куёвларимиз чимилдикда эгниларида узимизни миллий либосларимиз билан учрашишади.

   Каштачиларимиз тиккан кашта ва сузаналарсиз хозиргача хеч бир узбек хонадони киз чикармайди ва угил уйлантирмайди.Бундан ташкари пахта, ипак ва жун хомашьёсини ишлатиб чугдай гиламлар тукишган. Хусусан Хива гиламларини шухрати бутун оламга ёйилган. Бу гилам машхур Эрон гиламлари билан ракобатлаша олган. Петербургдаги кишки саройни (хозирги Эрмитаж биноси) куп залларини Хива гиламлари  безаб турипти.

Хуллас пахта, ипак, жун, тери ва бошка хомашьёларни анчагина кисми охирги махсулотгача узимизда кайта ишланган.

   Бозорларимиз узимизда ишлаб чикарилган турли озик-овкат махсулотларига хам сероб булган. Юртимизни  турли жой нонлари,  шу жумладан  машхур Самарканд нонлари хакида гапирмаймиз  бу хакда жуда куп айтилган ва ёзилган. Кандолатчилик расталаримизда новвот, кандолат, халвои лавс, халвои равганин, нишолда каби ширинликлар сотилган. Бу ширинликларни тайёрлаш учун хомашьё сифатида узум ва тут шинниси ишлатилган.

    

Энди узимизда ишлаб чикарилган мураккаброк технологияли буюмлар хакида суз юритамиз.

  Фаргона водийси ва Самаркандда тайёрланган транспорт воситаси-кукон арава йуловчиларимизни узогини якин килган. Бу арава усти очик ва усти ёпик холда тайёрланиб усти очик араваларда юк ташилган. Усти ёпик аравалар ичида курпачалар солиниб одам ташишга мулжалланган.

   Кули гул усталаримиз томонидан мис хамда тут, ёнгок  ёгочи ва бошка материаллар ишлатиб рубоб, дутор, гижжак, тамбур, доира, ногора, сурнай, карнай, чанг каби мусика асбоблари ясалган. Агар бу мусика асбоблари юксак махорат билан ясалмаганлигида эди улардан Самаркандлик бобомиз Хожа Абдулазиз шогирдлари билан бутун дуньёга машхур «Шашмаком»  наволарини ижро этмаган булардилар (Бу тугрида муфассалрок «Шарк тароналари фестивалида Шашмаком мусикаси» маколамда укишингиз мумкин)

   Юртимизни Самарканд шахрида эса машхур Самарканд когози ишлаб чикарилган. Ушбу когоз ишлаб чикариш учун узимиздаги тут пустлоги, пахта ва бошка хомашьёлар ишлатилган. Бу когозлардан китоблар тузилиб хушхат хаттотларимиз томонидан Куръони Карим ва Хадис китоблари кучирилган. Шунингдек  Мирзо Улугбек, Ибн Сино ,Беруний, аль Хоразмий асарлари, Фирдавсийнинг Шохномаси, Алишер Навоий асарлари хамда Огахий, Фузулий, Машраб ва бошка куп шоир, ёзувчи ва олимларимиз китоблари кучирилган. Умар Хайёмнинг машхур рубоилари хам  Самарканд когозига езилгани хакида маълумотлар бор. Ушбу китоблар нафис накш ва расмлар билан безатилган.(Бу тугрида муфассалрок маълумотни «Самарканд. Регистон майдони хакида уйлар» маколамга танишишингиз мумкин)

   Кизиги шундаки руслар келгунча кадар хам айрим укотар куроллар жуда оддий шаклда булса хам узимизда ишлаб чикарилган. Жумладан Бухоро амирлигида туплар куйиш йулга куйилган ва пилта милтиклар хам ишлаб чикарилган. Ушбу куролларга ук дори хам узимизга ишлаб чикарилган.

   Хуш уста хунармандларимиз кандай ички ва ташки тартиб коидаларга риоя килишган. Хунармандчилик  дуконларида уста, шогирд ва халфалар ёнма ён ишлашган. Шогирд ишни энди урганишга келган бола булган. Халфа эса ишни урганган лекин уста даражасига етмаган шогирд булган. Халфа уста булиш учун устасини розилиги билан бошка уста ва халфалар, махалла оксоколлари,  ёши улуг кексалар, хамда муллани чакириб зиёфат уюштирган ва зиёфат охирида хунар ургатган устасига бошдан оёк сарпо килган. Устаси эса хунарига караб унга кайчи арра ё пичок каби бирон иш куроли совга килган. Охирида мулла томонидан Куръондан тиловат  килинган  ва барча зиёфат катнашчилари олдида  уста   уз шогирди хакига ок тилак тилаб дуо килган. Шу билан халфа усталар сафига кушилган. Бу ажойиб удум хозиргача айрим касб хунар эгалари ва усталар томонидан риоя килинади.

   Самарканд ва Бухоро каби уша вактдаги катта шахарларда хунармандлар касбларига караб махсус жамоаларга бирлашганлар. Ушбу жамоани узлари сайлаган махсус оксоколлар бошкарган. Масалан темирчилар оксоколи –Бобои Охангарон, мисгарлар оксоколи-Бобои Мисгарон, ё заргарлар оксоколи –Бобои Заргарон деб аталган. Ушбу оксоколлар хунармандлар билан келишиб козикалонга тасдиклаб олинган рисола( устав)-га риоя килиб ишлашган.  Улар махсулот сифати ва микдори, уста ва шогирдлар уртасидаги муносибат ва бошка масалаларни  хал килишган. 

Бундан ташкари агар бирон уста узрли сабаб билан вактинчалик ишлай олмаса жамоа хазинасидан унга ёрдам уюштирилган. Бу ташкилот ,бизга кизик  туюлса хам, хам бошкарув органи ва хам касаба иттифоки ташкилотини урнини босган.   ( Шу уринда  таърихдан хабардор укувчиларимиз сезган булсалар керак керак бу жамоалар  урта аср  гарбий Европа хунармандлари уюшмаси  яъни цехларни эслатади. Завод ва фабрика цехларини назарда тутганим йук)

   Бутун бир махалла ва гузарлар алохида касб хунар билан шугулланишган. Кейинчалик шу махалла хам шу касб номи билан аталган. Хозиргача Самарканд шахри ва шахар атрофида Кулолон, Сузангарон, Дукчиги, Камонгарон каби кишлок ва махаллалар бор. Юртимизни бошка шахар ва кишлокларида хам  шунга ухшаш ном билан аталган махаллалар бор.

   Хуш ушбу касб хунарларни кайси бири бугунги кунгача сакланиб колинган. Афсуски купгина хунармандлар ишлаб чикарган буюмлари Россия завод ва фабрикаларида ишлаб чикарилган арзон саноат махсулотлари билан ракобатлаша олмай касодга  учрашган. Колганлари эса кейинчалик Шуролар даврида мустаъкил тадбиркор булишгани учун ёт унсур сифатида таъкиб килинган.

  Шунга карамай шу кунгача юртимиз шахар ва кишлокларида темирчилик , кулолчилик , мисгарлик устохоналари  учрайди . Бозорларимизда пичок, сопол буюм, чопон, дуппи ва бошка миллий хунармандчилик буюмларини куриш мумкин.

   Президентимиз томонидан миллий касб хунарларни саклаш ва ривожлантириш (касаначилик) хакида жуда куп ишлар килинди. Ушбу корхоналарга давлат солиги тулаш бобида жуда куп енгилликлар берилган.

   Хар йили юртимизга шу жумладан Самаркандга минглаб чет эллик сайёхлар ташриф буюришади. Улар шахримиз бозорларидан дуппи, тарок, пичок каби буюмларни сувенир сифатида харид килишади. Лекин бу уларни юртимиз хунармандлари томонидан ясалган буюмларга булган талабларини кониктирмайди.

   Хуш йуколиб бораётган касб ва хунарларни кайта тиклаб буладими?

   Аллох хохласа бу  иш мумкин. Масалан водий шахар ва кишлокларида янгитдан атлас, адрас, бекасам каби матолар тукила бошланди. Хоразм ва Каракалпогистонда кулда тукилган гилам ишлаб чикарилияпти. Хатто Самаркандлик бир акахонимиз уз кучи ва билими билан  Сиёхоб сойи буйида сув тегирмони ёрдамида  машхур Самарканд когозини кайта ишлаб чикаришга эришди.( Самарканд тумани Кони Гил кишлоги)

 

Хозирги замонда ишлаб чакарилган машхур Самарканд когози

   Шуларни хисобга олиб, Самарканд шахри якинида махсус хунармандлар махалласи ва шу махалла олдида «Шарк хунармандчилик буюмлари бозори» ни ташкил килишни таклиф киламан. Бунда иложи борича буюмлар сайёхларни куз олдида   тайёрланиб сотилиши керак. Бу хайрли ишда юртимизни барча шахар ва кишлокларидан келган уста-хунармандлар катнашишлари  ва хар бир махсулот турлари буйича алохида жой   ажратилиши керак.

 Ушбу бозор расталари  ва дуконлари шаркона архитектура коидаларига катъий риоя килиниб курилиши керак.

  Бозор худудидаги миллий ошхона ва чойхоналарда юртимизни турли худудларидан келган ошпазлар томонидан турли таомлар- масалан кабоб, тандиркабоб,  Фаргонача палов, Тошкентча палов шу жумладан Самаркандча палов  ва бошка таомлар пиширилиши керак.

  Лекин Шаркда бозор факат савдо сотик килинадиган жой булмасдан халкни маданий хаёти утадиган жой хам булган. Шунинг учун у ерда дорбозлар хунар курсатадиган ва полвонлар кураш тушадиган майдончалар, санъаткорлар куйлаб ракс тушадиган хамда шоирлар янги шеърларини оммага укиб берадиган сахналар хам булиши керак.( Гафур Гулом асари асосида суратга олинган «Шум бола» фильмидаги бозор лавхаларини эсланг)

 Агар шу яхши ниятларимиз Аллохни мадади билан амалга ошса бу юртимиз ва юртдошларимиз учун кандай ахамиятга эга буларди.

 Биринчидан –йуколиб бораётган касб ва хунарлар кайта тикланиб ота боболаримиз рухи шод буларди. Иккинчидан –юртимизга ташриф буюрадиган сайёхлар сони ошиб ёшларимиз иш билан таъминланарди. Яна ёшларимизда таърихимизга хурмат ва ватанпарварлик рухи уйгонарди. Колаверса бошка маколаларимга айтилганидек хаммамиз учун ажойиб сайр килиб дам олиш маскани буларди деб- хурмат билан:

       Самарканд тумани Сульфакабутак махалласида яшовчи Вафоев  Рустам